ماذا يعنى مصطلح OEE ؟؟ Overall Equipment Effectiveness

[Osama Badr]

ماذا يعنى مصطلح OEE ؟؟

يعني Overall Equipment Effectiveness

ودي بتقيس فاعلية الماكينات وهي معادلة بتقيس تلات حاجات لاي معدة او ماكينة
1- الإداء Performance
يعني سرعة التشغيل يعني لو النسبة 100 % يعني الماكينة بتشتغل بأقصي سرعتها طول الوقت ووفي القياس ده بيظهرلي التوقفات الصغيرة اللي مش بنحسها زي دقيقة ودقيقتين ومعدل الدوران البطيء
2- الإتاحية Availability
يعني الماكينة اشتغلت وقت اد ايه من اجمالي وقت التشغيل وهنا بيبان الأعطال المفاجئة طبعا الصيانة الوقائية مفروض بتبقي من ضمن التوقفات المخطط لها والمحسوب وقتها بيدخل برضو هنا معدل تغيير وتهيئة الماكينة للتشغيل Setup - changeover
3- الجودة Quality
يعني كمية المنتجات السليمة اللي الماكينة طلعتها مقارنة باجمالي الانتاج وده بيظهرلي نسبة التوالف والمنتج المعيب
OEE=Performance×Availability×Quality
طبعا كل ما النسبة زادت معناها اعطال اقل توقفات اقل سرعة تشغيل عالية توالف ومنتجات معيبة اقل معدل تغير الماكينة اسرع وتهيئة الماكينة للتشغيل اسرع.