إزاي الجودة بدأت - History of Qualit

تطبيقات اشتراطات و متطلبات أمان وسلامة الغذاء Food Safety Management Systems safety , Hygiene , GMP , GHP , ISO22000 , FSSC , ....etc - النظافة الميكانيكية وتكنولوجيا التعقيم و التبخير و مكافحة الآفات - Mechanical Cleaning & Fumigation & Pest Control
آليات وطرق تنظيف المعدات و عمليات النظافة الميكانيكية وما يخص الاساليب التطبيقية و الوقائية فى تكنولوجيا التبخير و التعقيم و مكافحة الافات - التعقيم و التبخير و تكنولوجيا مكافحة الافات - Mechanical Cleaning of Machines & Fumigation & Pest Control Technology
أضف رد جديد
عبد الرحمن الجارحي
عضو فعال
عضو فعال
مشاركات: 478
اشترك في: الجمعة مايو 04, 2018 1:00 am

إزاي الجودة بدأت - History of Qualit

مشاركة بواسطة عبد الرحمن الجارحي »



💥 إزاي الجودة بدأت - History of Quality 🤔

🔶زمان جدا كانت احتياجات الناس بسيطة ومش معقدة ومش كتير أحياناً كتير كانوا بيعملوا حاجاتهم بنفسهم او يروحه لحد ماهر او شاطر في عمل الحاجة دي يعملها ليهم عايز مثلا كرسي أو طرابيزو كانوا يروحه للنجار يخلصها ليهم علشان كده مكنش فيه معايير للجودة ساعتها.

⭐يمر الزمن ويظهر اختراع مكن الإنتاج ومعناها انه هيحصل إنتاج كتير بعدد عمال أقل ودي ميزة ان مش هبقي محتاج لعمال قدرتهم عالية لان المكن بيعمل أغلب الشغل ف مكسبي ممكن يزيد أوي👏🏻

💫لكن قصاد الميزة دي ظهر عيب خطير جدا ان المنتجات اللي بتطلع من المكن مش دايما المصنع بيشوفها بعينه وبالتالي ممكن يكون فيها مجموعة من العيوب مترديش الCustomer فأما ميشتريش المنتج بتاعك وتخسره او يشتريه وهو مضايق منك🙂

🌟طيب انا كمصنع أحل المشكلة دي أزاي وهنا ظهرت اول فكرة ممكن انفذ بيها الجودة في المنتج بتاعنا وهي فكرة الFinal inspection أجيب مجموعة من العمال يوقفه علي اخر خط الإنتاج ويشوفه لو المنتج اللي طالع فيه المواصفات اللي الCustomer عايزاها ولا لا لو تمام ببدأ اطلعها عادي لكن لو فيها عيوب ممكن تضايقه مش بطلعها وهنا انا حليت مشكلة العميل لكن علي الجانب الآخر ظهر مشكلة كبيرة تانية وهي الكم الهائل من المنتجات المعيبه اللي بتطلع عندي وهنا يا اما بعدمها او بعيد تصنيعها ودي بتسبب ليا خسائر كبيرة جدا طيب نعمل ايه علشان نحل المشكلة دي؟🧐

🌠وهنا ظهر فكرة جديدة للجودة وهي Quality Control وهي ان انا اعمل Inspection مش علي المنتج النهائي بس لا انا هعمله علي كل خطوات التصنيع المختلفة من اول ال Raw Material لحد ال Final Product علشان اول ما الاقي ان فيه مشكلة ابدا اعزلها بدري واتعامل معاها وبكده هكون قللت التكاليف وطلعت منتج نهائي يرضي العميل ولحد المرحلة دي والQuality قايمة علي فكرة Detection of defects وهي اكتشاف المشاكل او العيوب بس في الاول والاخر انا بعمل Detection للمشكلة وهي ان انا بكتشفها بعد ما بتبقي موجودة بالفعل😕

🔴وهنا بدأ فكرة جديدة للجودة هو انا ليها بعمل Detection او اكتشاف للمشكلة طيب ما انا اعمل Prevention او امنع المشكلة قبل ما تحصل وهنا بدا يظهر مصطلح جديد وهو Quality Assurance
بمعني بدل ما المنتجات الخام ييجي عندي ويتعمل ليها Inspection لو هي مفيهاش عيوب بدخلها الانتاج لو فيها برفضها طيب ما انا اروح من الأول للموردين واشوف المنتجات هناك لو هي فعلا مفيهاش عيوب او للدرجة المسموح بها بشتري منه وبيبقي فيه أمان وثقة ما بينا وبكده انا عملت Prevention او منعت ان انا اجيب منتج خام مش كويس .
- هو انا ليه اشتغل علي مكنه وبعد ما اخلص خالص ألاقي فيه عيب في المنتج علشان كان فيه عيب في المكنة طيب ما انا احط نظام صيانه للمكنة يتم باستمرار علشان امنع المشاكل دي انها تحصل.
- انا ليه اروح اجيب عمال مش مدربين او متأهلين يشتغله علي خط الإنتاج وفي الاخر يطلعه منتج مش كويس ف انا ابدا ادربهم واعلمهم وافهمهم بحيث لما يشتغله ميبقاش في منتج معيب وبكده اتغير تفكرنا من اننا نعمل Detection للمشكلة اننا نعمل Prevention او منع للمشكلة وبكده فرصة وجود منتجات معيبه قليل جدا ونسبة ارضاء العملاء هتكون كبيرة👏🏻
💢 ثم مع الزمن مبادئ الجودة اتطورت ووصلنا لحاجة اسمها Quality Management System QMS النظم دي بتعمل integration مابين مبادئ الجودة المختلفة مابين QC&QA وبتطبيقها بتضمن لينا أن العمليات اللي بتحصل في المؤسسة بتم بطريقة صحيحة علشان في الاخر اطلع منتج بيطابق المتطلبات وبيوفر احتياجات العملاء

صورة
منقول م/احمد مصطفى
أضف رد جديد

العودة إلى ”تطبيقات توكيد الجودة و متطلبات سلامة الغذاء Food Safety-Safe Food-“