في مواسم الطاعات حاول متخليش الدنيا تسرق وقتك قدر المستطاع

يضم ما فيه الخير والنفع من الامور المنتقاه والتى ليس لها فرع بالموقع وما يتم تقديمه من طلبات و أراء و اقتراحات و أفكار من أجل التطوير و التحديث
أضف رد جديد
Osama Badr
مؤسس المنتدى
مشاركات: 8628
اشترك في: الخميس مايو 03, 2018 2:46 pm
اتصال:

في مواسم الطاعات حاول متخليش الدنيا تسرق وقتك قدر المستطاع

مشاركة بواسطة Osama Badr »



في مواسم الطاعات
حاول متخليش الدنيا تسرق وقتك قدر المستطاع

وخليك ذكي في استغلال الوقت مضاعف الاجر زي الشهر المبارك القادم علينا بإذن الله

اقبل علي الطاعة بكل ما اوتيت من قوة وفي اي اتجاه يتاح ليك
صدقة قيام صلاة ذكر صبر علي اذي الناس بر صلة رحم تسبيح اي خير يتاح قدامك انهل منه وتزود

منخليش قلوبنا ومعاصيها والصدا اللي عليها يمنعنا
متخليش حد يقولك اية هتتدروش عشان رمضان !!
هي مش دروشة احسبها زي ما بتبقي عشطان وجعان طول اليوم ومع تلفطار بتروي عطشك وتسد جوعك ففرصة عبي طاعات علي قد ما تقدر
ومالايدرك كله لا يترك كله يعني هم ٣٠ يوم الحق تزود منهم في الطاعات قدر ما تستطيع
لعل الله يفتح علينا بطاعة يقبلنا بها
وحاول ان يكون رمضان بداية الخير والطاعة الدائمة

وشوف قلبك تأثر وتعلق باية بالظبط واشتغل عليه وجاهد نفسك ما استطعت لعلها تكون البداية لتوبة نصوح
ولعله اخر موسم للطاعات ندركه فتكون خاتمة خير

جهز نفسك من دلوقتي هتعمل اية وهتقرا ورد قد اية لو فيه وقت اكيد هتكون فاضي فيه باستمرار اربط وردك بالوقت دة
لو مش متاكد يبقي منين ما تفضي تقرأه عشان ميعديش الوقت فتسهي

جهز ١٥٠ جنيه لل ٣٠ يوم خليهم خمسات وخليهم ف جيبك
كل يوم ٥ ج مثلا تبرع بحيث تتصدق كل يوم

لو بتكون في الطريق اثناء الاذان جهز ٣ تمرات وزجاجة ماية صغيرة في كيس وشوف تقدر تعمل كام كيس توزعهم وانت ف طريقك للبيت تفطر صائم

بتضيع وقت ومجهود كتير في الشغل يبقي متنساش تستحضر اكتر من نية للشغل بتاعك عشان ميبقاش وقت بيضيع عليك بالعكس كل دقيقة هتتعب فيها في وقت دوامك وشغلك هتاخد عليها ثواب عظيم بس لازم تستحضر النية لدة

قبل السحور بتاعك توصي وصلي ركعتين خفاف بالاخلاص والمعوزتين مثلا عشان لو تعبان او مزنوق في وقتك متاخدش منك وقت كتير

وخليك واقعي عشان متضيعش منك الوقت المبارك دة والاجر المضاعف فيه
خليك واقعي انك مش هتبقي سوبر هيرو السنة دي مثلا

بس ممكن تفكر بعقلانية وواقعية وتحاول جاهدا تستثمر الوقت دة وتعاهد نفسك انك هتحاول جاهداااا انك متضيعش الفرصة دي منك

رمضان ادخال سرور واكل وشرب وفرح عادي مافيش مشكلة

بس رمضان موسم طاعات نلحق نتزود منه قدر المستطاع
ابعد عن الفيس وخلافه والمسلسلات والهلس دة كله
ولو مش قادر أجل كل دة لبعد رمضان
مش عشان بتعبد رمضان والعياذ بالله بس عشان انت ذكي وبتستغل فرصة الطاعة اللي ربنا وهبهالك

تقبل الله منا ومنكم 🌺🌺
مدونة تكنولوجيا الطحن Millingtec
https://millingtec.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
مدونة اعمل صالحا DOSALEH
https://dosaleh.blogspot.com
-٠-٠-٠-٠-٠-٠-٠-٠-٠-٠-٠-٠-٠-٠-
قناة زدنى علما zdny3lma
https://www.youtube.com/@zdny3lma
Knowledge is a power
Keep on what you're reading of HOLY QURAN
There is much still to learn
أضف رد جديد

العودة إلى ”مما أعجبني Liked & الاقتراحات“