انا بقدم كتير ومحدش بيرد عليا .. ليه؟ السؤال ده كتير بتسأل فيه من ناس كتير تقدم علي وظائف مختلفه ومحدش من HR الشركات إللي بيقدمولها بيرد عليهم
مرسل: الأربعاء مارس 27, 2024 8:34 am
انا بقدم كتير ومحدش بيرد عليا .. ليه؟
السؤال ده كتير بتسأل فيه من ناس كتير تقدم علي وظائف مختلفه ومحدش من اتش أر الشركات إللي بيقدمولها بيرد عليهم ف مبدأياً لازم تعرف إن في شوية غلطات كدة الناس بتعملها بتأثر على فرص حصولهم على وظايف،هنستعرض هنا بعضهم و لو حد جت في باله حاجة يقولها علشان تضاف في البوست
١- تبعت لشركات كتير في نفس الميل
-غير ان دة غالبا بيؤدي ان ايميلك يبقا سبام، بيدي انطباع مش لطيف، الافضل تشوف الشركات اللي محتاجالك. دة هيوفر مجهود
٢- تبعت الميل من غير تايتل
- الصح تكتب اسمك و اسم الوظيفة ال مقدم عليها.. و ركز انك تقول الوظيفة، انت لو مقلتليش انا مش هعرف
٣- ترسل الميل فاضي من غير كاڤر ليتر
-انطباع خد الميل دة ف وشك مش مهم هو ايه، الصح اتكلم عن نفسك قولي ليه افتح السي في
٤- ترسل الميل من غير attachment
-انت متخيل ان دة غريب لكن للاسف عندي ايميلات كتير من غير cv
٥- ترسل الcv في صيغة صورة
- مش هعرف اقراها ولا اعدل فيها ، pdf لو سمحت
٦- ترسل بالعربي
اغلب الشركات بنستخدم ATS للفلترة، و اغلبهم مبيقراش العربي يا فندم
٧- كوبي و بيست
- يا فندم بنلاقي كلام مكتوب ملوش علاقة بالوظيفة اصلا
٨- عدم المراجعة الإملائية
زي ما قلنا ف رقم ٦، السيستم غالبا مش هيعرف انك كاتب غلط، هيقول ملقتش اللي بدور عليه
٩- الصورة الشخصية
هتلاقي اغلب المحترفين بيؤكدا انك متحطش صورتك علشان ال discrimination.. بس لو هتحطها خليها صورة احترافية
١٠- التأليف في الcv
-والله بنعرف 😅
١١- الcv مش احترافي
شوف موقع كويس بيعمل cv professional و متروحش السايبر يعملك تمبليت جاهزة
١٢- اتبع التعليمات لو طلبوا منك تكمل تقديم عالويبسايت متكسلش تجاوب عالاسئلة
١٣- السؤال عن المرتب
بلاش سؤال عن المرتب فالإميل اللي بتقدم فيه... من حقك تعرف اه بس مش كدة.. مش وانت بتقدم
١٤- الفونت
خليك فالستاندرد مش لازم جملة في مل صفحة ولا لازم تضغطه ف ورقة واحدة لدرجة مشوفش الكلام
١٥- عدد الصفحات
عمري ما هعرف اقرا cv ٣٠ صفحة.. ايوة بقول لحضرتك مفيش الكلام دة.. صفحتين حلو..تلاتة مقبولة منك.. لكن هي مش مسابقة اكبر cv
١٦- لينكدان
حط لينك بروفايل لينكدان.. و خلي بروفايلك كامل... هتعرف لما الاتش ار يدخل بروفايلك فتفهم انه شاف الcv
١٧- وسائل التواصل
الايميل بروفيشنال بلاش ميدو الكينج ات ياهو، و ياريت ايميلك انت مش ايميل اخوك. و سيب رقم تليفونك علشان في ناس بتنساه مبنعرفش نوصلهم
١٨-المتابعة
ابعت ريمايندر بعد خمس ايام "لو متأكد" انك مناسب ممكن يكون فات فالزحمة
متنساش تزود فرصتك بأنك تعمل سيرة ذاتية و بروفايل لينكدان احترافي من خلال فريقنا. عرفني لو مهتم يا بروفيشنال
منقولhttps://www.facebook.com/share/hq1ppj9YW4zWVCt9/?mibextid=oFDknk
السؤال ده كتير بتسأل فيه من ناس كتير تقدم علي وظائف مختلفه ومحدش من اتش أر الشركات إللي بيقدمولها بيرد عليهم ف مبدأياً لازم تعرف إن في شوية غلطات كدة الناس بتعملها بتأثر على فرص حصولهم على وظايف،هنستعرض هنا بعضهم و لو حد جت في باله حاجة يقولها علشان تضاف في البوست
١- تبعت لشركات كتير في نفس الميل
-غير ان دة غالبا بيؤدي ان ايميلك يبقا سبام، بيدي انطباع مش لطيف، الافضل تشوف الشركات اللي محتاجالك. دة هيوفر مجهود
٢- تبعت الميل من غير تايتل
- الصح تكتب اسمك و اسم الوظيفة ال مقدم عليها.. و ركز انك تقول الوظيفة، انت لو مقلتليش انا مش هعرف
٣- ترسل الميل فاضي من غير كاڤر ليتر
-انطباع خد الميل دة ف وشك مش مهم هو ايه، الصح اتكلم عن نفسك قولي ليه افتح السي في
٤- ترسل الميل من غير attachment
-انت متخيل ان دة غريب لكن للاسف عندي ايميلات كتير من غير cv
٥- ترسل الcv في صيغة صورة
- مش هعرف اقراها ولا اعدل فيها ، pdf لو سمحت
٦- ترسل بالعربي
اغلب الشركات بنستخدم ATS للفلترة، و اغلبهم مبيقراش العربي يا فندم
٧- كوبي و بيست
- يا فندم بنلاقي كلام مكتوب ملوش علاقة بالوظيفة اصلا
٨- عدم المراجعة الإملائية
زي ما قلنا ف رقم ٦، السيستم غالبا مش هيعرف انك كاتب غلط، هيقول ملقتش اللي بدور عليه
٩- الصورة الشخصية
هتلاقي اغلب المحترفين بيؤكدا انك متحطش صورتك علشان ال discrimination.. بس لو هتحطها خليها صورة احترافية
١٠- التأليف في الcv
-والله بنعرف 😅
١١- الcv مش احترافي
شوف موقع كويس بيعمل cv professional و متروحش السايبر يعملك تمبليت جاهزة
١٢- اتبع التعليمات لو طلبوا منك تكمل تقديم عالويبسايت متكسلش تجاوب عالاسئلة
١٣- السؤال عن المرتب
بلاش سؤال عن المرتب فالإميل اللي بتقدم فيه... من حقك تعرف اه بس مش كدة.. مش وانت بتقدم
١٤- الفونت
خليك فالستاندرد مش لازم جملة في مل صفحة ولا لازم تضغطه ف ورقة واحدة لدرجة مشوفش الكلام
١٥- عدد الصفحات
عمري ما هعرف اقرا cv ٣٠ صفحة.. ايوة بقول لحضرتك مفيش الكلام دة.. صفحتين حلو..تلاتة مقبولة منك.. لكن هي مش مسابقة اكبر cv
١٦- لينكدان
حط لينك بروفايل لينكدان.. و خلي بروفايلك كامل... هتعرف لما الاتش ار يدخل بروفايلك فتفهم انه شاف الcv
١٧- وسائل التواصل
الايميل بروفيشنال بلاش ميدو الكينج ات ياهو، و ياريت ايميلك انت مش ايميل اخوك. و سيب رقم تليفونك علشان في ناس بتنساه مبنعرفش نوصلهم
١٨-المتابعة
ابعت ريمايندر بعد خمس ايام "لو متأكد" انك مناسب ممكن يكون فات فالزحمة
متنساش تزود فرصتك بأنك تعمل سيرة ذاتية و بروفايل لينكدان احترافي من خلال فريقنا. عرفني لو مهتم يا بروفيشنال
منقولhttps://www.facebook.com/share/hq1ppj9YW4zWVCt9/?mibextid=oFDknk