إستفسار من مهندس تخطيط صيانة.. بشمهندس انا لسه مستلم وظيفة كمهندس تخطيط صيانة .. تنصحني أبدا إزاى ؟!
مرسل: الاثنين سبتمبر 30, 2024 5:55 am
إستفسار من مهندس تخطيط صيانة..
بشمهندس انا لسه مستلم وظيفة كمهندس تخطيط صيانة .. تنصحني أبدا إزاى ؟!
الإجابة :-
بسم الله والصلاه والسلام على رسول الله
رب اشرح لي صدري ويسر لي امري واحلل العقده من لساني يفقهوا قولي...
١. افهم صناعة شركتك كويس .. بما إنك نفس المجال ..يبقي خبرة المكان موجودة إن شاء الله
2. رجاء اقرا vision, mission and values كويس جدا و افهمهم
3. اسال عن أهداف إدارة الصيانة
4. شوف الأهداف مع target اخر ٦ شهور
5. شوف ايه اسباب strength and weakness
6. بنا إنك تخطيط صيانة شوف ايه هو CMMS or EAM اللي شغالين بيه
6. راجع systems and equipment list علي الأرض مهم جدا .. شوف النظام زي الواقع ولا لا
7. شوف تعليمات التكويد .. هل كل المعدات مكودة ولا لا
8. انشا تعليمات تكويد لو مش موجودة
9. راجع history log 2024 and 2023
10. اسال عن المعدات الحرجة وانت بتسال خلي السؤال ايه اكبر ٣ معدات فيهم مشاكل وايه اكبر ٣ مشاكل ( اسال انتاج ، صيانة، تخطيط، أمن وسلامة ، مخازن و مالية) كل واحد هيكون ليه وجهه نظر اكتبها واقراها وافهمها
10. اعمل pareto وحدد اكبر الماكينات الحرجة فيها مشاكل
11. اعمل تحليل اداري لأسباب المشاكل
12. اربط بين التحليل وأهداف الصيانة
13. اعمل خطة لتطوير النظام لتحقيق الأهداف
14. راجع هيكل الصيانة من حيث العدد و المهارة .. ولو مفيش skill matrix اعملها .. علشان تعملها صح .. محتاج تفهم دور كل وظيفة بالتحديد .. هتحتاج تقرا job description و تسال عن job task analysis لو مش موجودة اسال كل واحد عن مهامه بالتفصيل و كذلك مدير..
15. اربط الأهداف بمؤشرات قياس أداء
16. اعمل خطة زمنية طويلة المدى strategic maintenance and reliability plan يا ريت متزدش عن سنتين
17. اطلع من الخطة ب Asset plan سنوي و شهري
18. انشاء Dashboard للمؤشرات
19. التحسين المستمر (plan do check act)
20. كل ما بنوصل لهدف بنثبت فترة ثم نحط هدف اعلي بحاجة بسيطة
اللهم ارزقك التوفيق والسداد ..
https://www.linkedin.com/posts/mustafa-mahmoud-saied_%D8%A5%D8%B3%D8%AA%D9%81%D8%B3%D8%A7%D8%B1-%D9%85%D9%86-%D9%85%D9%87%D9%86%D8%AF%D8%B3-%D8%AA%D8%AE%D8%B7%D9%8A%D8%B7-%D8%B5%D9%8A%D8%A7%D9%86%D8%A9-%D8%A8%D8%B4%D9%85%D9%87%D9%86%D8%AF%D8%B3-%D8%A7%D9%86%D8%A7-activity-7246186810849058816-05gi?utm_source=share&utm_medium=member_android