شغله كمنظف للطائرات .. ربي جواه حلم انه يبقي كابتن طيار ويسوق الطيارة .. موش بس ينظفها بعد الركاب ماينزلوا منها ..
في يوم دخل ينظف قمرة القيادة ..
لقي كتاب على كرسي الطيار .. بعنوان:
"كيف تطير للمبتدئين - المجلد الاول "
فتح الفصل الأولى فلقي مكتوب :
لتشغيل المحرك اضغط على الزر الأحمر...
قام دايس علي الزر الأحمر .. لقي محرك الطائرة إشتغل بالفعل ..
حس بسعادة رهيبة وإبتدي يشوف نفسه كإنه لابس لبس الكابتن ..
هووب وقام فاتح الفصل التاني .. فلقي مكتوب فيها ..
"لجعل الطائرة تتحرك، اضغط على الزر الأزرق... "
طبعا قام دايس في ثانية .. وهو شايف نفسه هو الكابتن ..
وبالفعل بدأت الطائرة تتحرك بسرعة ..
موش يسكت بقي .. شغفه بقي هو اللي بيحركه ..
قام داخل علي الفصل الثالث .. فلقي مكتوب : "لتحلق بالطائرة في الجو اضغط على الزر الأخضر ... "
من غير تفكير .. قام دايس علي طول علي الزرار الاخضر وهو حاسس نفسه انه بقي اعظم كابتن طيار .. وان الناس كلها من حواليه واقفين بيصقفوا له ..
طبعا الحماس كان واحده .. وهو لاغي عقله .. وبيحركه شغفه بحلمه ..
دقيقة .. اتنين .. عشر دقايق .. عشرين ..
مروا عليه وهو عايش في حلمه .. لغاية ماقرر انه ينزل بالطيارة ..
فطبعا فتح علي طول علي الفصل الرابع .. علشان يشوف ازاي حينزل بالطيارة ..
لقي مكتوب فيها:
"للتمكن من معرفة كيفية الهبوط بالطائرة، يرجى شراء المجلد 2 من أرشيف المكتبة! "
عايز تجرب .. مافيش مشكلة ..
لكن حتي وانت بتجرب لازم يكون عندك معلومة كاملة ..
نصف التعليم ليس خطيراً ولكنه مدمر ..
https://www.linkedin.com/posts/dr-eng-mohamma-wajdi-shaheen_abraepaesaevaexaewaesaev-activity-7258869660861825024-a1nJ?utm_source=share&utm_medium=member_android