من مفاجآت.. المشروعات....‼️ اللي بيفوجئ بمشكلة.. يبقى نايم من فترة..لغاية ماظهرت وتفاقمت المشكلة

[Osama Badr]

٢٥ من مفاجآت.. المشروعات.
---------؛----------
-‼️ اللي بيفوجئ بمشكلة..
يبقى نايم من فترة..لغاية ماظهرت وتفاقمت المشكلة.

- ✅️أذكى حل للمشاكل هي الاحتياط لعدم وقوعها..

الحل النصف ذكي للمشكلة هو عند بداية ظهور اول اثر للمشكلة..

اما تركها لتحدث مشاكل ..فحلها متأخرا..يحتاج وقت طويل ومكلف ومجهد..

- 💪 خد بالك وإعمل وراجع حساباتك عشان ماتجيش يوم تقول:

١- انا فوجئت اني عملت مشروعي في مكان غير مناسب.

٢- انا فوجئت أني صرفت على المبنى/الديكور/ الالات
وأستنفدت سيولة تشغيلي.

٣- أنا فوجئت ان منتجي متكرر وكاسد في السوق.

٤- أنا فوجئت ان حواليا ٤ مشروعات بيبيعوا ارخص أو اجود مني.

٥- انا فوجئت اني حاسب تكاليفي أو اسعاري غلط.

٦- أنا فوجئت ان مافيش عمالة مناسبة بأجر مناسب.

٧- أنا فوجئت ان المادة الخام اغلى من توقعي.

٨- أنا فوجئت أن طبيعة مشروعي البيع الآجل وانا ماعنديش سيولة مناسبة.

٩- انا فوجئت أن التوسع غير مناسب لوضعي الحالي.

١٠- انا فوجئت اني وجهت سيولتي في إتجاه خاطئ.

١١- انا فوجئت إني مااعرفش أنا بأكسب والا بأخسر.

١٢- أنا فوجئت إني بأكل من رأس مالي.

أ١٣- نا فوجئت أن ماعنديش بضاعة.

١٤- أنا فوجئت إني مابكسبش.

١٥- انا فوجئت أن بضاعتي/ منتجاتي بقت قديمة وغير مرغوبة.

١٦- أنا فوجئت أن عليا ضرائب من فترة وماعملتش حسابي.

١٧- أنا فوجئت بأكثر من منافس حواليا وخدوا زبايني.

١٨-أنا فوجئت إني مديون بكل اللي عندي.

١٩- أنا فوجئت إن نصف العملاء الآجل مابيسددوش.

٢٠- أنا فوجئت أن المورد اللي بأعتمد عليه..بقى مابيبعش آجل.

٢١- أنا فوجئت أن نصف رصيد المخزون تالف.

٢٢- أنا فوجئت ان الالات والمكن والديكور تهالك وماعنديش أجدده.

٢٣- أنا فوجئت إني بأوزع أرباح او بصرف مكاسب..ماكسبتهاش.

٢٤- أنا فوجئت أن عميلي /موردي/ الصنايعي الوحيد..بيتحكم فيا.

٢٥- انا فوجئت أن حد بأعتمد عليه بيسرقني/ بيخوني.

- يعني إيه فوجئت..‼️
يعني لاعندك تخطيط ولا عندك حساب ولاعندك نظام ولاعندك تقييم.

ماتفاجئنيش وتقولي يعني أعمل إيه عشان مايحصلش؟..لأني قلت..
خطط واحسب ونظم وقيم كل فترة.

وماتفاجئنيش وتقول أعمل ايه بعد ماحصلت المشكلة؟..لان الحل بيعتمد على تفاصيل المشكلة..شاور محاسب او خبير في الصنعة
وماتفضلش تحل المشاكل بنفس الفكر اللي سببها.
حسين بكري


https://www.facebook.com/share/p/6TEWQKxRJQz24X5Y/